Dy persona u arrestuan nga policia e Elbasanit pasi u konfliktuan me njëri-tjetrin. Policia çoi në pranga shtetasit Arben Farka, 35 vjeç dhe Gramos Nasto, 41 vjeç, të cilët në lagjen “11 Nëntori”, për motive të dobëta janë konfliktuar me njëri-tjetrin dhe më pas janë larguar nga vendi i ngjarjes.
Policia lokale bën me dije se forcat e rendit kanë hasur në kundërshtinë e shtetasit Arben Farka për kontrollin e banesës.
“Policia gjatë kontrollit në banesën e këtij shtetasi gjeti dhe sekuestroi një dozë me lëndë narkotike të dyshuar si kokainë, ndërsa në banesën e shtetasit G. Nasto, gjeti dhe sekuestroi 2.4 gramë lëndë narkotike të dyshuar si Cannabis sativa”, sqaron komunikata.
Materialet i kaluan Prokurorisë pranë Gjykatës së Shkallës së Parë Elbasan.
