Fill pas ngjarjes se rëndë ku nje person mbeti i vrarë Fabian Gaxha e dy te tjerë (Ervis Martinaj e Eljon Hato) u plagosën në një nga lokalet e zonës së ish bllokut, policia krahas postblloqeve të shumta për kapjen e të dyshuarve duhej të merrej dhe me shoqërimin e të plagosurve për në spital.
Një patrullë bëri të mundur shoqërimin e Ervis Marinajt dhe Elion Hatos për në spitalin e Traumës por transporti i tyre ishte me mjaft rrezik.
Me të mbërritur në dyert e traumës u kërkua menjëherë thirrja e forcave speciale pasi aty më parë kishin mbërritur persona të tjerë të cilët kërkonin marrjen e 36 vjeccarit Martinaj.
Një pjesë e stafit mjeksor i tha sosnews se një grup të rinjsh kishin kërkuar marrjen e Ervis Martinaj dhe sipas mjekëve ata ishin miq të tij. Ata donin ta largonin nga ambjentet e spitalit të traumës dhe ta mjekonin privatisht diku tjetër në mënyrë që ai ti shpëtonte policisë.
Pak para mbërritjes së forcave Renea grupi i mjekëvë tha se në shoqërimin e Martinajt për në sallën e operacionit miqtë e tij e mbuluan me çarçaf të bardhë madje duke kërcënuar stafin mjekësorë.
Pas operacionit mjekët thanë se Martinaj ka marrë një plumb në qafë i cili i ka kaluar tej përtej por që nuk ka prekur asnjë organ jetësor apo arterie. Ndërkohë masat në spitalin ku ai ndodhet i shtruar janë të shumta pasi 36 vjecari është nën arrest. Aktualisht Martinaj ndodhet i shtruar tek Spitali Amerikan vetëm pak metra larg Spitalit të Traumës./Sosnews/
