Në mediat serbe është publikuar një video e deputetit socialist Pjerin Ndreu, i cili përplaset me policinë e Serbisë. Ndreu ndodhet në makinë me një tjetër person, ndërsa policët serbë e akuzojnë për provokim ndaj tyre pasi ka bërë foto me flamur shqiptar para Parlamentit serb.
Më pas policia i kërkon falje Ndreut. Ndërsa deputeti socialist dëgjohet të thotë në anglisht: “Në Serbi kam qenë disa herë… nuk është problemi ynë…”.
Në shkrimin bashkangjitur videos, në faqen ku është publikuar shkruhet, “Shqiptarët po tallen me zë të lartë dhe regjistrojnë para Kuvendit tonë me flamurin e tyre me shqiponjë”. Video është publikuar me 1 Gusht të këtij viti.
