Ndarja nga jeta e këngëtarit Dr. Flori ka qenë një humbje e madhe jo vetëm për kolegët dhe për artin, por më shumë për familjarët e tij. Florian Kondi vdiq pak muaj pasi djali i tij, Danieli erdhi në jetë, dhe bashkëshortja e tij Blerina mbeti vetëm me të dhe me Kaltrinën. Danieli sot është vetëm 15 muajsh, është i prekur nga sindroma down, por e njohim të gjtihë tashmë, pasi mamaja e tij Blerina bën postime të shumta në rrjetin social Instagram kur tregon se ja kanë dalë të jenë të lumtur, të shijojnë çdo moment.
Siç dihet tashmë Organizata Botërore e Shëndetësisë (OBSH) ka zgjedhur muajin tetor si muaji i ndërgjegjësimit për sindromën Down, dhe në lidhje me këtë rast, Blerina ka bërë një postim mjaft sensibilizues për djalin e saj, Danielin.
Postim i bërë nga Blerina
“HAPPY DOWN SYNDROME AWARENESS MONTH!
Une quhem Daniel Kondi dhe jam vetem 15 muajsh. Babi im mori vesh gjithçka 3 dite perpara se une te nisja rrugetimin tim ne barkun e mamit, madje edhe emrin tim Daniel qe me pelqen kaq shume. Rrugetimi im ishte shume i bukur, siç eshte i te gjitha bebeve! Mami im me shihte shpesh kur une isha tek barku i saj permes ekos…
Kisha vetem 4 muaj qe isha krijuar kur mjeku i tha mamit dhe babit se kocka e hundes time nuk dallohej mire dhe une mund te kisha nje kromozom me shume se femijet e tjere…I degjoja tek diskutonin me njeri-tjetrin madje shpesh here edhe qanin…por ata ishin mami e babi im ndaj vendosen qe une te vazhdoja te isha bebja e tyre dhe panvaresisht çdo gjeje do me donin shume.
Diten qe erdha ne jete nuk do ta harroj kurre qe babi me mori ne krahe dhe tha: “Daniel, babi te do shume shume, ti je shume i çmuar per mua!” A nuk kam te drejte te mburrem me babin tim? A nuk kam te drejte te them se ai eshte heroi im? Ai sot nuk jeton me por ja ku jam une qe jetoj per te! Kromozomi im nuk e zvogeloi dashurine e tij per mua, perkundrazi e shtoi edhe ne shume.
Keshtu une erdha ne jete dhe njoha motren time Kaltrinen dhe tani mund te luaj me lodrat e mia, te perplas duart sa here qe me thone “Braaavooo Daniel!”, te kercej kur degjoj kenget e mia te preferuara dhe me kryesorja te degjoj fjalet e bukura te mamit tim e cila me thote shpesh qe jam nje bekim i madh, dhurata me e bukur qe Zoti i dhuroi!”- shkruan Blerina krahas fotos ku shihet që mban në krahë të voglin e saj.
Sindroma Down është një çrregullim kromozomik që shoqëron fetusin që në ngjizje të tij e përgjatë gjithë jetës.
