Pas njoftimeve për rihapjen e hetimeve në lidhje me akuzat për përdhunim, ka reaguar edhe Cristiano Ronaldo. Dy “tweet” për të shpjeguar me qetësi, se akuzat për ngacmim seksual për një episod që i takon vitit 2009 në një hotel në Las Vegas janë fryt i fantazisë.
Që dy ditë më parë Cristiano Ronaldo pati thënë: “Janë të gjitha falsitete, jam një njeri i lumtur, por ka nga ata që kërkojnë pak publicitet”.
Reagimi i sotëm, në profilin e tij zyrtar, është më i qartë.
“Mohoj kategorikisht akuzat që janë bërë për mua. Përdhunimi është një krim i neveritshëm që shkon kundër gjithcka që unë jam e në të cilin besoj. Nuk dua ti shkoj pas spektaklit mediatik të krijuar nga persone që kërkojnë publicitet e të bëjnë para në kurrizin tim. Ndërgjegjia ime është e pastër, do të më lejojë të pres me qetësi rezultatet e gjithë hetimeve”.
