Juristja e njohur nga rubrika ”Shihemi në gjyq”, Eni Çobani është shoqëruar ditën e sotme në Komisariatin e Gjirokastrës, teksa ishte në një seancë gjyqësore në këtë qytetet.
Motivi ka qenë një debat i fortë verbal, mes Eni Çobani, e cila mbronte si avokate Merushe Mengrin dhe ish-nuses së djalit të saj, Rudina Islamaj.
Dritare.net arriti të komunikonte me Rudina Islamajn, e cila tregon se procedua e gjykimit filloi normalisht dhe në një moment të caktuar kur u prezantua trupi gjykues, Rudina kishte kërkuar përjashtimin e trupit gjykues.
Pikërisht ky ishte momenti, kur ka reaguar avokatja Çobani, e cila fillimisht i është drejtuar trupit gjykues, duke u thënë për Islamajn që është një person i rrezikshëm dhe se duhet kontrolluar para se të hyjë në gjykatë, sepse qarkullon me çimka.
“Ndërsa unë reagova e fyer, pikërisht në Gjykate, Çobani m’u kthye duke me thënë: Pusho, pusho, ti pusho kur flas unë. E di unë pse e bën ti, por mua këtu do më kesh, nuk do të ndahem. Unë nuk jam as Merushja, as Guximi”.
Rudina ka treguar për dritare.net se është ndjerë e kërcënuar dhe ka telefonuar policinë. Ajo tregon për dritare.net se Çobani u mundua të zbusë gjakrat, kur erdhi policia, duke ju dhënë njohje dhe treguar kush ishte, por policia kishte bërë punën, pa u ndikuar.
Pas verifikimeve të bëra, avokatja është shoqëruar në komisariat. Edhe Eni Çobani, edhe Rudina Islamaj kanë dhënë dëshmitë e tyre, por akoma nuk është dhënë një vendim përfundimtar. Të dyja janë larguar nga rajoni i policisë. /Dritare.net
