Rita Ora është femra e parë që është shfaqur në kopertinën e revistës “Esquire Middle East”.
Këngëtarja 27-vjeçare bëri postimin në profilin e saj në Instagram duke publikuar disa fotografi nga seti. Ajo ka shprehur falenderimet e saj që e zgjodhën të jetë ylli i parë që shfaqet në kopertinën e revistës që i konsideronte ngjarje të tilla si tabu.
“Më pëlqen të jem në harmoni me trupin tim dhe të qenurit seksi nuk më duket si një formë mosrespektimi ndaj njerëzve të tjerë ose edukimit tim. Është një formë e lirisë së shprehjes. Mua më duket shumë fuqizuese. Ju e dini që edhe meshkujt publikojnë fotografi të trupit të tyre në ‘Instagram’ dhe askush nuk i kushton aq shumë vëmendje”, – tha Rita.
Ndër të tjera, Rita ka kërkuar që meshkujt të mbështesin më shumë ‘#MeToo’, lëvizje për mbrojtjen e vajzave të prekura nga abuzimi seksual.
