Milani mëson të fitojë edhe pa Gonzalo Higuain. Pas kritikave të shumta që morën pas barazimit 1-1 në fushën e Empolit, kuqezinjë triumfuan 1-4 në transfertë me Sassuolon, skuadër që kishte surprizuar në 6 javët e para me 4 fitore, 1 barazim dhe 1 humbje.
Gattuso kishte vendosur t’i jepte shansin që nga minuta e parë Castillejos, që mbështetej në sulm nga Suso dhe Calhanglu.
Gjithsesi, për t’i hapur rrugë suksesit e kuqezinjve mendoi Kessie me një goditje të saktë thuajse nga vija e 16 metrave në fund të pjesës së parë.
Dyfishimi i rezultatit erdhi në minutën e 50-të me Suson, që realizoi një gol fantastik, me topin që përfundoi në trekëndësh.
Zgedhjet e Gattusos në sulm i dhanë të drejtë, sepse Castillejo, i shërbyer nga Calhanoglu, shënoi golin e 0-3 në minutën e 60-të. 8 minuta më vonë, Djuricic shkurtoi në 1-3 diferencën, por asgjë më shumë, pasi Sassuolo me gjithë përpjekjet e shumat e pati të pamundur për t’i mohuar fitoren Milanit, përkundrazi, kuqezinjtë realizuan në shtesë golin e katërt me Suson.
