Një tjetër vatër zjarri është shënuar gjatë ditës së sotme në Gjirokastër, në kullotat e Dervenit, njësia administrative Picar.
Deri tani janë djegur mbi 2 ha kullotë, ndërsa zjarri rrezikon të përfshijë edhe pyllin. Në terren forcat zjarrfikëse po luftojnë me flakët me mjete rrethanore dhe pompa krahu, për shkak të terrenit malor e të thyer, ndërsa era e fortë ndihmon përhapjen e flakëve.
Policia dyshon për zjarrvënie të qëllimshme për djegien e kullotave. Gjatë ditës së sotme ka pasur tre vatra zjarri në Gjirokastër. Rreth 250 rrënjë fidanë lajthi u dogjën paraditen e sotme në Mashkullorë si pasojë e flakëve që përfshinë tokat e mbjella.
