Ndonjëherë një pakujdesi mund të çojë në pasojë tejet të rënda, të cilat fatkeqësisht mund të mos parashikohen. Dallandyshe Blliku, e cila jetonte në periferi të Lushnjes, të enjten po digjte plehrat në oborrin e shtëpisë së saj.
Por pikërisht kjo vatër zjarri, e ndihmuar nga era bëri që flakët të përhapeshin nëpër ullishte. Për gati 24 orë flakët vijuan të ishin aktive duke djegur më shumë se 20 hektarë.
Por si të mos mjaftonte dëmi në natyrë, e tronditur nga ajo që kishte ndodhur, një tjetër ngjarje edhe më e rëndë ndodhi këtë të premte.
Sipas burimeve, 55-vjeçarja Blliku i dha fund jetës pak kohë përpara se në shtëpinë e saj të mbërrinte policia për t’i marrë deklaratën.
Gruaja, sipas bashkëshortit, kishte pirë fotoksinë për shkak të gjendjes së rënduar psikologjike në të cilën ndodhej.
