Zbulohen detajet si funksiononte skema e korrupsionit nga drejtori i Hitopekës dhe juristja në Shkodër. Pasditen e djeshme, policia arriti të vërë në pranga drejtorin e Hipotekës së Shkodrës Zamir Lika, i cili akuzohet për korrupsion, së bashku me juristen Frida Marashi.
Boldnews.al ka arritur të sigurojë të dhëna të tjera se si ka funksionuar skema e korrupsionit.
Ka rezultuar e provuar që shtetasi Zamir Leka, në kundërshtim me ligjin dhe në mospërmbushje të rregullt të detyrës së tij, mban praktika të caktuara, për të cilat më parë është marrë vesh për pagimin e shumave të kundërligjshme, deri ne 5000 euro apo i mban në pritje të ofertave nga të interesuarit.
Burime i thanë Boldnews.al se në momentin që merr përfitimin e kërkuar, i kalon praktikat përkatëse tek juristët e zonave, në disa raste vetë dorazi, në disa raste të tjera nëpërmjet juristes Frida Mirashi. Kjo e fundit rezulton të ketë bashkëpunim të ngushtë me të, dhe për zonat që nuk mbulohen prej saj. Bëhet e ditur se Marashi “porosinë” ua kalonte specialistëve të tjerë me shënimin “Porosi e shefit”, duke kërkuar përfundimin e praktikës menjëherë.
Përveç sa më lart, gjatë hetimeve paraprake ka rezultuar e provuar se shtetasi Zamir Leka, ka regjistruar disa praktika tërësisht në kundërshtim me ligjin, pa kryer verifikimet përkatëse në DAMT dhe në Komisionin e Verifikimit të Titujve të Pronësisë.
Lidhur me juristen Frida Mirashi, gjatë hetimeve ka rezultuar e provuar se kjo shtetase ka pasur bashkëpunim të ngushtë me drejtorin Zamir Leka.
