Në vijim të qëndrimit në SHBA, presidenti Ilir Meta zhvilloi një takim me kryeministrin e Italisë, Giuseppe Conte. Meta ndau me ndjekësit në facebook foto nga takimi me kreun e qeverisë italiane ndërsa shkruan:
“Kënaqësi të takoj dhe ta uroj Giuseppe Conte, për marrjen e detyrës së Kryeministrit të Italisë. Marrëdhënie të shkëlqyera tradicionale e miqësore mes dy kombeve e vendeve tona. Mirënjohës për mbështetjen dhe asistencën shumëdimensionale italiane.”
Presidenti Meta ndodhet në SHBA në kuadër të punimeve të Asamblesë së Përgjithshme të Organizatës së Kombeve të Bashkuara.
