Rreth 70 forca policore u angazhuan sot në terren për kapjen e 3 autorëve të dyshuar për grabitje me armë të një autobusi të linjës “Itali-Vlorë”, ku deri më tani është arrestuar njëri prej tyre.
Në videon e publikuar nga policia shihet se si policë të maskuar dhe të armatosur kanë zbritur në terren, ndërsa vijojnë kontrollet për kapjen e autorëve.
Kujtojmë se deri më tani është arrestuar 29-vjeçari Armand Kuqi, 29 vjeç, lindur në Mamurras dhe banues në Tiranë, i cili ishte ende i maskuar gjatë kohës që u arrestua.
