Presidenti i SHBA-ve Donald Trump deklaroi se nuk do të bisedojë me Iranin për shkak të “sjelljes së keqe” të këtij vendi, raporton Anadolu Agency (AA).
“Irani është sjellur shumë keq. Nuk do të bisedoj me ta (Iranin) derisa të ndryshojnë qëndrimin e tyre dhe mendoj se nuk kanë ndonjë opsion tjetër”, tha Trump.
Ai tha se Irani nuk respekton fqinjët, përhap dhunë në rajon dhe më gjerë.
Në hyrje të Qendrës së Përgjithshme të Kombeve të Bashkuara (OKB) Trump dha një deklaratë të shkurtër për gazetarët me ç’rast tha se “Jemi në procesin e rregullimit të një takimi me Korenë e Veriut. Po shkojmë shumë mirë me Korenë e Veriut”.
Duke folur për Iranin, Trump tha se nuk do të takohet me presidentin e Iranit Hassan Rouhani në kuadër të sesionit të 73-të të Asamblesë së Përgjithshme të Kombeve të Bashkuara.
