Një ngjarje e rëndë ka ndodhur në Kosovë para disa ditësh. “Varrezat e fshatit Llapashticë e Poshtme në Podujevë janë dëmtuar pothuajse tërësisht”, kanë raportuar mediat kosovare.
Nga ky rast është prekur edhe një këngëtare e njohur, Beatrix Ramosaj që është tepër e lënduar pasi aty ishin varrezat e babait dhe të afërmve të saj.
Me anë të një postimi në Instagram, Trixa shkruajti:
“Po shkruaj e tronditur..
Ka 1 javë që ka ndodhur kjo tragjedi në fshatin tim, Llapashticë e poshtme dhe unë vetëm sot e mora vesh dhe jam e tmerruar për faktin që kjo ngjarje nuk ka marrë vëmendjen e duhur.
Ndërkohë që unë shkruaj personi përgjegjës për këtë është i lirë.
Ky person ka dëmtuar gurët e 82 varreve përfshirë dhe atë të babait tim dhe familjarëve të mi.
Ju lutem autoriteteve në Kosovë të bëjnë të mundur zbardhjen e kësaj çështje dhe të vendosin drejtësi për personin përgjegjës, nuk bëhet fjalë vetëm për dëm material, por ajo çfarë më vret më shumë është dëmi emocional”.
Kujtojmë se babai i këngëtares është larguar nga jeta para disa vitesh.
