Kryetari i Partisë Demokratikë, Lulzim Basha u shpreh se lidhja e politikes me krimin dhe kapja e ekonomisë nga krimi, janë “dy gjëmat e mëdha” që kanë kapur vendin. Ai i mëshoi vetingut në politikë si zgjidhje për qytetarët e sipërmarrësit.
“Sipërmarrja nuk do të shohë asnjë ditë të bardhë nëse nuk garantohet konkurrenca e lirë, nëse një grusht njerëzish përfitojnë gjysmën e fondeve publike, me afera korruptive. Gjëja më e mirë që mund të bëjmë është të rikthejmë kushtet e konkurrencës së lirë, zbatimin e ligjit, kushtet e një gare të barabartë”, tha Basha.
“Kjo që do të bëjmë sot është më shumë se denoncimi, – paralajmëroi kryetari i opozitës Lulzim Basha në konferencën e opozitës që ka nisur sot në Tiranë. – Ne do të prezantojmë platformën Antimafia që propozon mekanizmin ligjor dhe institucional për evidentimin, sekuestrimin e pasurive të personave publikë dhe private të përfshirë në afera korruptive tendera, koncensione, PPP.
Nëse një grush njerëzish përfitojnë gjysmën e fondeve publike në mënyrë jotransparente për afera që nuk sjellin asnjë përfitim publik, thënë ndryshe shërbimi më i madh është të kthejmë kushtet e konkurencës së ndershme, zbatimin e e ligjit. Ky është synimi i platformës sonë që do ta prezantojmë në tre pjesë:
Së pari, znj. Tabaku do të flasë për bilancin e abuzimeve në sektorin e tenerderva, koncensione, monopoleve. Së dyti, z. Mima do të bëjë një bilanc financiar se sai kushton kjo taksapaguaesve shqiptarë
Së treti, z. Alibeja do të bëjë një amendim për ligjin Antimafia që të gjithë ata që përfitojnë në mënyrë korruptive paratë e taksapaguesve shqiptarë. Njesoj si në rastin e krimit të organizuar, atyre që janë bërë palë në këto afera të provojnë ligjshmërinë e pasurive të tyre dhe së dyti, pasuritë e tyre të verifikohen e sekuestrohen.
