Më shumë fëmijë se gola! Ky është rasti i futbollistit të Stoke City, Saido Berahino i cili rezulton të jetë baba i tre fëmijëve në vetëm 2 muaj.
25-vjeçari është regjistruar si babai i Costa-s, i sjellë në jetë më 30 maj nga ish e fejuara e tij, Stephania Christoforou.
Mamaja e fëmijës së dytë është një infermiere 28-vjeçare, e lindur në Afrikë. Më 15 korrik, ajo ka sjellë në jetë një vajzë, por nuk e ka shënuar në certifikatën e lindjes atësinë, për shkak të pengesave ligjore. Megjithatë, mësohet se 28-vjeçarja është në bisedime e sipër me futbollistin dhe avokatët e tij.
Dhe mamaja e fëmijës së tretë është Chelsea, e cila solli në jetë Aniya Marie më 17 korrik. Ndryshe nga e para, Aniya Marie në certifikatën e saj të lindjes është regjistruar si fëmija e Saido Berahino.
Një anormali, e cila nuk ishte dëgjuar më parë. Berahino, autor i vetëm një gol në 913 ditë, ka nisur betejën ligjore për këtë “absurditet” që i ka ndodhur në jetën e tij personale.
