Disa gazetarë që mbulojnë kronikën dhe ngjarjet që lidhen me policinë dhe prokurorinë kanë hedhur dyshime se arrestimet e mjekëve në Shkodër ka qenë si pasojë e konkurrencës dhe dëshirës së një spitali privat që kërkon të hyjë në tregun e Shkodrës, duke përdorur prokurorinë dhe policinë lokale për të dhunuar e ulur reputacionin e mjekëve. Madje duke iu bërë presion të ikin nga Shqipëria.
Ndërsa një tjetë gazetar Shkodran, Simon Shkreli shkruan se, “te arrestosh Doktor Luan Dragushen asht krim. E krimi me i madh i behet pacienteve te Shkodres me 3 vite pune ka kryer 510 koronare qe do thote rreth 3 milion euro “dem”, spitaleve private, dhe po kaq ne favor te pacienteve. Por nuk dua te paragjykoj prokuroren e çeshtjes, por dua te vleresoj Gjykatesin me integritet Hasan Selimi i cili pasi shqyrtoj faktet dha vendimin, lirimin e menjehereshem. Ka mjek me integritet dhe profesionist, ka edhe gjykates me imtegritet qe se vrasin mendjen per vettingun politik sic e bejne prokuroret!”.
Ndërsa gazetari Senad Nikshiqi thotë: “Thuaji Spitalit Amerikan që të mos investohet më se doktor Luani mund të largohet. Ska nevoj ta arrestoni kot”.
Kardiologu Luan Dragusha, i cili është një prej mjekëve të arrestuar u bë i njohur në media vitin e kaluar. Kjo pasi zgjodhi të kthehej nga Shtetet e Bashkuara të Amerikës për t’iu shërbyer qytetarëve të Shkodrës. Dhe pas kthimit të tij në Shqipëri, 120 pacientë kanë marrë shërbimin e koronografisë.
Ngjarja
Pas një hetimi dymujor të Prokurorisë Shkodër në bashkëpunim me drejtorinë e policisë me kerkese te Prokurorise Shkoder u caktuan dhe ekzekutuan masa sigurie per shtetasit e meposhtem perfshi drejtues te Spitalit Rajonal Shkoder me akuzen per shperdorim detyre:
1-Arrest burg si dhe “Pezullimi i ushtrimit të një detyre a shërbimi publik” per Perparim Cela mjek (caktuar dhe ekzekutuar)
2-Arrest me burg dhe “Pezullimi i ushtrimit të një detyre a shërbimi publik” Dh.U (shpallur ne kerkim)
3-Arrest me burg dhe “Pezullimi i ushtrimit të një detyre a shërbimi publik” per Luan Dragusha mjek (caktuar dhe ekzekutuar)
4-Arrest shtepi dhe “Pezullimi i ushtrimit të një detyre a shërbimi publik” per Karmen Kaculini farmaciste .(caktuar dhe ekzekutuar)
5-Arrest me burg dhe “Pezullimi i ushtrimit të një detyre a shërbimi publik” per Renato Kepi infermier te hemodinamika (caktuar dhe ekzekutuar)
6-Arrest me burg dhe “Pezullimi i ushtrimit të një detyre a shërbimi publik” per E.S. mjek (shpallur ne kerkim)
7-Arrest ne shtepi dhe “Pezullimi i ushtrimit të një detyre a shërbimi publik” per Amanda Matlija (caktuar dhe ekzekutuar)
8-Arrest shtepie dhe “Pezullimi i ushtrimit të një detyre a shërbimi publik” per Juliana Zhuri (caktuar dhe ekzekutuar)
9-Arrest shtepie dhe “Pezullimi i ushtrimit të një detyre a shërbimi publik” per Albana Mehmetaj (caktuar dhe ekzekutuar).
