Ne vijim te operacionit, SHÇBA ka ndaluar ne oret e mbremjes edhe 1 punonjes policie dhe 1 shtetas turk, per korrupsion aktiv dhe efektivi si i akuzuar per dhenie ndihme per kalim te paligjshem dhe shperdorim detyre.
Te ndaluarit jane:
– Gazmir Dega, punonjes policie ne Komisariatin nr 1 ne Tirane
– Servet Aksoy, 44 vjeç, nga Turqia.
Me heret, ne kuader te ketij operacioni eshte arrestuar ne flagrance nje kontrollore e Komisariatit Rinas pasi dyshohet se lejoi kalimin e paligjshem te 7 shtetasve turq.
Hetimet po vijojnë, njoftuan burime zyrtare.
I vihen prangat polices në Rinas
Arrestohet ne flagrance nje punonjese e Policisë Kufitare në Rinas, pasi dyshohet për shpërdorim detyre dhe dhënie ndihme për kalim të paligjshëm të kufirit.
Ministria e Brndshme, ben me dije se efektivja e arrestuar eshte shtetasja B. D, me detyrë kontrollore në Komisariatin e Policisë Kufitare dhe Emigracionit Rinas.
Sipas policise, dyshimet linden pas kapjes së 7 shtetasve turq, që tentuan të kalojnë kufirin shqiptar drejt Malit të Zi, të cilët deklaruan se kishin hyrë nëpërmjet Rinasit në Shqipëri.
Njoftimi
Shërbimi për Çështjet e Brendshme dhe Ankesat (SHÇBA) arrestoi në flagrancë 1 punonjëse të Policisë Kufitare në Rinas nën dyshimet për shpërdorim detyre dhe dhënie ndihme për kalim të paligjshëm të kufirit.
Dyshimet për implikimin e punonjëses së policisë B. D, me detyrë kontrollore në Komisariatin e Policisë Kufitare dhe Emigracionit Rinas, lindën pas kapjes së 7 shtetasve turq, që tentuan të kalojnë kufirin shqiptar drejt Malit të Zi, të cilët deklaruan se kishin hyrë nëpërmjet Rinasit në Shqipëri.
Nga hetimet e kryera rezultoi se këta shtetas janë lejuar të hyjnë në territor në mënyrë anti ligjore, nga punonjësja e policisë, duke mos kryer regjistrimin në sistem.
Tashmë mbi të rëndojnë akuzat për veprat penale “Shpërdorim detyre” dhe “Dhënie ndihme për kalim të paligjshëm të kufirit”. Hetimet po vijojnë për të identifikuar persona të tjerë të përfshirë.
SHÇBA garanton se do të ndjekë me seriozitet çdo denoncim në media dhe nga qytetarët dhe i nxit ata të telefonojnë në numrin pa pagesë 0800 90 90 për çdo paligjshmëri që konstatojnë.
