Një shqiptar është arrestuar nga autoritetet policore në Terni të Italisë. Bëhet fjalë për një 34-vjeçar që ishte bërë gati për të kryer një grabitje.
Ai ishte duke ecur me një motor, duke ikur me shpejtësi nëpër makina në rrugë. Lëvizjet e tij të dyshimta, mjaftuan që patrulla e policisë të vihej në ndjekje të tij.
Pas ndjekjes, i riu shqiptar përfundoi në pranga, teksa në xhaketën e tij mbante një pistoletë të mbushur me fishekë. Për më tepër, në mjetin e tij të vogël u gjetën mjete që shërbenin për vjedhje si dhe doreza. Shqiptari kishte me vete edhe tre telefona celularë.
Në dhomën ku ai flinte, u gjetën materiale të tjera si kapele bejsbolli, dorashka, dhe plumba të fshehur në një çorape.
Hetimet e mëvonshme zbuluan se arma dhe plumbat ishin vjedhur në një shtëpi në zonën e Bolonjës. Për këto arsye, shqiptari u arrestua për një sërë veprash penale, duke përfunduar në burgun Viterbo.
