Prishja e miqësisë mes dy reperëve të famshëm Jay Z dhe Kanye West ka qenë një nga diskutimet më të bujshme në media.
Fillimisht Jay Z dhe Beyonce nuk morën pjesë në dasmën e Kanye dhe Kim, pasi mendohej se mbretëresha e muzikës nuk e pëlqente yllin e “Keeping Up With the Kardashians”. Më pas Kanye u mërzit, që miku i tij nuk e vizitoi, pasi bashkëshortja e tij Kim u grabit në Paris. Më vonë West kërkoi të shkëputej nga kompania Tidal e Jay Z me pretendimin se ata kishin përfituar nga ai.
Por me daljen e albumit 4:44 Jay Z shpjegoi se ai nuk kishte qenë afër mikut të tij, sepse kishte pasur probleme në shtëpi me bashkëshorten dhe nuk do ta linte atë për asgjë në botë. Më tej ai thoshte se i vinte keq dhe se Kanye do të ishte gjithmonë një njeri i dashur për të.
Mesa duket kjo ka mjaftuar, që dyshja e famshme e repit të pajtohen. Kanye West sapo ka publikuar një foto mjaft të ëmbël në Instagram të çiftit Beyonce – Jay Z për të treguar se gjërat mes tyre janë rregulluar dhe ata prapë një familje.
