Një 45-vjeçar është arrestuar në Librazhd pasi i ka vënë zjarrin derës së Bashkisë së këtij qyteti.
Ngjarja ka ndodhur gjatë orëve të vona të natës.
Menjëherë Zjarrfikesja dhe shërbimet e Policisë kanë shkuar në vendgjarje, ku kanë bërë të mundur shuarjen e flakëve të zjarrit.
Si pasojë e flakëve është djegur, pjesërisht dera e jashtme e Bashkisë Librazhd. Ndërkohë policia arrestoi autorit e dyshuar të zjarrvënies: Artan Balla, 45 vjeç, banues në Librazhd.
Grupi hetimor vazhdon hetimet për zbardhjen dhe dokumentimin e plotë të ngjarjes, njoftoi Policia.
