Mesfushori i Juventusit, Emre Can ka reaguar pas kartonit të kuq të Cristiano Ronaldos në ndeshjen e mbrëmshme kundër Valencias në Ligën e Kampionëve.
Ronaldo i cili i shëno dy golat e para me Juventusin kundër Sassuolos, u largua me lot në sy mbrëmë, pasi mori karton të kuq, pas incidentit me Murillon e Valencias, të cilit ia tërhoqi flokët.
“Si mund të ishte ai karton i kuq!?”, tha Cani pas ndeshjes.
“Sapo dëgjova se kartoni ishte për shkak të tërheqjes së flokëve. Ne nuk jemi gra, ne jemi duke luajtur futboll”.
“Nëse e jep atë karton të kuq, atëherë mund të përjashtohesh nga ndeshja pas çdo faulli. Një qind për qind, ai nuk ishte karton i kuq”, përfundoi ai.
