Transferimi i tij në Skoci bëri shumë bujë në mediat vendase, ndërsa mesfushori me tipare sulmuese i kombëtares shqiptare, Eros Grezda ka ditur t’i japë përgjigje kritikëve.Lojtari i cilësuar si “20 milion funta” ka dal në konferencë për shtyp në prag të ndeshjes së sotme kundër Dundee. Një dalje që e ka shfrytëzuar në maksimum për të hedhur dritë mbi talentin e tij.
“Nuk pranoj që fjalët e komentatorit të vijnë te unë si presion sepse e di potencialin tim”,-shpjegon ai. “Unë besoj në aftësitë e mia dhe sapo të jem 100 për qind, gjithçka është e mundur. Unë nuk jam i lumtur që nuk jam 100 për qind i aftë, por jam duke punuar shumë. Këto kanë qenë dy javë të vështira për mua. Me të vërtetë po pres që të kthehem sa më shpejt që mundem. Tifozët e Rangers mund të presin të shohin një lojtar që gjithmonë jep 100 për qind, jep zemrën në fushë dhe gjithmonë dëshiron të fitojë pa marrë parasysh se kush luan. Unë luaj anësor kështu që puna ime është të ndihmoj, më pëlqen të jem afër portës dhe unë jam i shpejtë. Kam shikuar gjithmonë futboll dhe e njoh historinë e Rangers. Kur mora një telefonatë prej tyre, unë isha tmerrësisht i lumtur. Mezi prisja që të vij këtu dhe të nënshkruajmë”.-tha Grezda.
