Mëngjesin e sotëm në fshatin Remas është raportuar për përplasje me armë mes një banori dhe forcave të RENEA-s. Rreth orës 05.30 kanë ushtruar disa kontrolle banesash në fshatin Remas të Lushnjes.
Ndër to edhe banesën e shtetasit Haxhi Lika, 77 vjeç, pasi disponohej informacion se në këtë banesë strehoheshin dy shtetas të dyshuar si autorë vrasjesh.
Në momentin që Policia ka bërë rrethimin e banesës dhe konform gjithë procedurave standarde të ndërhyrjes, Lika nuk i është përgjigjur thirrjes së Policisë, por ka dalë në dritare me një armë në dorë (rezultoi armë gjahu).
Ndodhur në këto kushte Policia ka qëlluar në ajër duke i bërë thirrje përsëri shtetasin Lika, për të dalë nga banesa.
Në rrethana ende të paqarta Lika, është dëmtuar në kokë dhe ndodhet në spital jashtë rrezikut për jetën. Eksperti mjeko-ligjor po punon për përcaktimin e shkakut të dëmtimit dhe rrethanat.
Boldnews.al mëson se RENEA kërkon të arrestojë gjatë këtij aksioni një prej autorëve të masakrës së Lushnjes, Laert Haxhiun. Ky i fundit është identifikuar se fshihet pikërisht nbë fshatin Remas të Lushnjes.
