Në një postim të bërë publik në rrjetin social Facebook, Presidenti i vendit Ilir Meta ka shprehur kënaqësinë që pati, gjatë një dreke lamtumire me Ambasadorin në largim, Donald Lu.
“Kënaqësi të kaloja një drekë lamtumire me Ambasadorin e SHBA, z.Donald Lu me të cilin bashkëpunuam për mese tre vitesh për intensifikimin e marrëdhënieve midis dy vendeve tona. Me këtë rast e urova Ambasadorin për suksese në detyrën e re!”, ka shkruar Meta.
Ndërkohë Lu ka pasur një takim edhe me kryetaren e LSI, Monika Kryemadhin, ndërsa kjo e fundit në formë simbolike i ka dhuruar një jelek me motive popullore tradicionale shqipatre dhe një qeleshe.
