Surbi Çandna është kthyer në aktoren më të preferuar në Indi me rolin e saj si “Anika” në serialin “Bixhoz me dashurinë” të cilin e ndjekim nga e hëna në të premte në Klan.
Aktorja bukuroshe është gjithmonë e më shumë në vëmendjen e mediave të cilat së fundmi kanë publikuar 10 fakte që nuk i dinit për Surbin.
1. Surbi ka lindur në 11 shtator 1989. Ajo është me origjinë nga Deli, por ka lindur dhe është rritur në Mumbai. Surbi jeton me mamanë, babain dhe motrën e madhe.
2. Surbi ka mbaruar masterin për marketing. Ajo ka punuar si menaxhere eventesh dhe ka marrë pjesë në shumë reklama para se të bëhej aktore. Gjithashtu Surbi ka marrë pjesë në një konkurs bukurie në Indi.
3. Surbi është trajnuar për të kërcyer një lloj të veçantë kërcimi indian të quajtur “Baratnatjam”. Ajo ka luajtur role të vogla në seriale të mëparshme, por famën e mori në serialin “Bixhoz me dashurinë”.
4. Surbi ka fituar shumë çmime me rolin e Anikës dhe ajo me Nakul Mehtën i njohur si Shivai kanë fituar çmimin “Çifti më i mire i serialeve”.
5. Surbi është një nga aktoret më me stil në të veshur. Ajo njihet si aktorja më moderne e televizionit indian.
6. Surbi ka miqësi shumë të mire me kolegët e saj me të cilët shoqërohet edhe jashtë xhirimeve të serialit.
7. Surbi është në një lidhje dashurie prej disa vitesh për të cilën nuk pranon asnjëherë të flasë pasi jetën e ruan shumë private.
8. Shoqja më e ngushtë e Surbit është Surbi Xhoti të cilën e njihni si “Malika” dhe është shfaqur pak kohë më parë në serial. Ato kanë të njëjtin emër dhe kanë luajtur në dy seriale së bashku.
9. Në jetën reale Surbi është një person shumë energjik, ajo i punon rrengje miqve dhe kolegëve.
10. Surbi i do shumë qentë dhe ka një të tillë në shtëpi.
