Shqipëria po luan në “Elbasan Arena” ndeshjen e parë të Ligës së Kombeve ndaj Izraelit, e cila është e vlefshme për Grupin 1 të Ligës C.
Pjesa e parë mbyllet pa gola, me kuqezinjtë që në fund kishin mundësinë të shënonin.
Në minutën e pestë vjen rasti i parë. Nga një goditje këndi, izraelitët shfaqen të rrezikshëm në zonën tonë, shpëton Strakosha.
Kundërpërgjigjen kuqezinjtë, ku Guri brenda zone në të 7’ gjuan, por pret portieri mik.
Në minutën e 31-të miqtë i afrohen golit. Janë dy gjuajtje të izraelitëve që drithërojnë kuqezinjtë, por Strakosha pret në të dy rastet.
Sërish Strakosha bëhet hero, pasi korrigjon gabimin e Gjimshitit. Mbrojtësi kthen gabimisht një top mbrapa, aty ku njëri prej lojtarëve izraelitë për pak sa nuk përfiton, por “gardiani” kuqezi me fat i mohon golin.
Ndërsa në minutën e fundit të pjesës së parë Memushaj nuk përfiton nga një rrëmujë në zonë.
