Më shumë policë se tifozë. Kështu mund të përshkruhet me pak fjalë atmosfera rreth 3 orë para ndeshjes Shqipëri-Izrael (ora 20:45) në “Elbasan Arena”.
Qyteti që prej ditës së enjte është “pushtuar” nga forca të shumta policore dhe vetëm pak orë para fillimit të ndeshjes, “uniformat blu” janë duke marr instruksionet e fundit për të garantuar qetësinë dhe rendin për këtë event.
Sa i përket tifozëve dhe atmosferës festive, ajo duket shumë vakët dhe e vetëm disa qytetarë të veshur me bluzat e kuqe që qarkullojnë përreth stadiumit.
Grupi TKZ nga ana tjetër janë grupuar në një lokal përpara se të futen në stadium.
Sipas “Telesport”, këto janë fotot që tregojnë se si është atmosfera në qytetin e Elbasanit 3 orë para fillimit të ndeshjes së parë të Ligës së Kombeve për kombëtaren tonë.
