Vrasja e dy të rinjve në Mamurras ka sjellë reagimin edhe të deputetit socialist, Gjetan Gjetani për Qarkun e Lezhës.
Përmes një statusi në faqen e tij zyrtare në “Facebook”, deputeti ka përcjellë shqetësimin për këtë ngjarje, e cila ka tronditur banorët e kësaj zone.
Kjo sipas tij, tregon se policia në Kurbin është një hallkë e paaftë dhe e korruptuar. Ai në fund ka paralajmëruar se do të kërkojë interpelancë në parlament për këtë ngjarje të rënd. Deputeti Gjetani ka paralajmëruar se do të jetë ai i parë që do të ngrihet në protestë, ndërsa do t’iu bëjë thirrje banorëve t’i bashkohen atij.
Pas këtij qëndrimi, Gjetan Gjetani u përjashtua nga PS me urdhër të Edi Ramës i cili e komunikoi këtë vendim nga Asambleja Kombëtare e PS.
