6 persona janë shoqeruar nga policia për vrasjen e Alket Muhos, 43 vjeç. Burime nga policia kanë bërë të ditur se Muho 10 ditë më parë kishte denoncuar parcelat me kanabis të ndodhura në zonën e Memaliajt dhe është vrarë.
Sipas të dhënave të deritanishme mësohet se ka disa persona te shoqeruar, por asnje te arrestuar.
Një person është gjendur i vrarë me armë zjarri në Memaliaj të Tepelenës këtë të enjte. Mësohet se viktima është Alket Muho, 43 vjeç, informatori i policisë lokale. Muho u gjet i pajetë në Rabie të Memaliajt, në fshatin ku edhe jetonte.
Dyshimet e para lidhur me ekzekutimin e 43-vjeçarit lidhen me një sinjalizim të bërë nga ai disa ditë më parë te organet ligj-zbatuese.
Kohët e fundit, Muho informonte strukturat në Tiranë, pasi nuk gjente më mbështetje te policia lokale. Pikërisht, kështu ndodhi edhe në rastin e pak ditëve më parë.
Burime pranë grupit hetimor thanë se disa më parë, ai ka informuar SHÇKB-në e Tiranës lidhur me disa parcela me hashash. Pas kësaj, SHÇKB e Tiranës, më 4 shtator, ka informuar policinë lokale për të ndërhyrë në vendin e sinjalizuar. Këta të fundit kanë ndërhyrë dhe kanë asgjësuar 8 parcela me lëndë narkotike, me rreth 4.800 bimë.
Ndërkohë, ditën e sotme, Alket Muho është gjetur i pajetë. Nga këqyrja parapake e kufomës, ekspertët e policisë kanë vlerësuar se ai është qëlluar nga distanca.
