Një pikë që mund të ndikojë shumë në ecurinë e kombëtares së Kosovës në kompeticionin më të ri të UEFA-s, Liga e Kombeve. Barazimi 0-0 ndaj Azerbajxhanit, sidomos në transfertë është një rezultat i mirë për Dardanët, një gjë të cilën e ka pohuar edhe tekniku i tyre, Bernard Challandes. Fillimisht ai ka folur për kualitetet e Rashicës dhe Zhegrovës.
“Janë dy lojtarë mjaft kualitativ, ishte zgjedhje e vështirë. Por të mos harrojmë se janë dy ndeshje. Rashica ka pasur problem fizik, por kjo nuk ka qenë arsye e mungesës së tij, pasi që edhe klubi na ka thënë të jemi të kujdesshëm. Janë dy lojtarë kualitativ dhe nëse unë mund të luaj me njërin e më vonë të inkuadroj tjetrin, është mirë për Kosovën që ka lojtarë kaq të talentuar. Ndoshta do të bëjmë disa ndryshime për ndeshjen e ardhshme, por tashmë është shumë herët që të mendojmë për këtë”, deklaroi Challandes për Supersport.
