Opozita e bashkuar ka nisur mbledhjen në qytetin e Elbasanit, dhe kreu i PD, Lulzim Basha ka mbajtur një fjalë ku tha se ky qytet është kryeqyteti i krimit.
Basha më tej tha se është Sejdini dhe Balla, që qeverisin me krimin qytetin e Elbasanit.
Pjesë nga deklarata
Ndodhemi në qytetin simbol të bashkëqeverisjes së Ramës me krimin, jo pak analistë e quajtën Elbasanin kryeqytet të krimit.
Qazim Sejdini, Taulant Balla dhe bandat e krimit nga Çelët te Sanxhaktarët me shokë që vitin e kaluar treguan se kush sundon në këtë qytete, në këtë vend, kur goditën policinë e shtetit pa asnjë pasojë ligjore
Disa orë pas mesazheve tona nga Shkodra ditën e hënë kanë zbarkuar atje forcat policore si i instruktuan qeveritarët e falimentuar të dorëzuar para krimit, por rezultati është zero, e gjithë është shfaqje propagandistike. Kështu ishte në Elbasan, asnjë nga banditët që goditën shefat e policisë nuk është arrestuar, ndjekur penalisht, asnjë nuk është në burg.
