Kur flitet sot për të ardhurat e mira, gjithmonë përmenden bankierët, brokerët dhe avokatët. Megjithatë, në të ardhmen ata nuk do të jenë më në modë. Ekspertët pohojnë që do të jetë e nevojshme të kthehet faqja e re, dhe aftësitë tuaja t’i akordoni me kohën.
Prindërit dhe gjyshërit duhet të ndryshojnë këshillat që u japin gjeneratave të reja kur bëhet fjalë për punët në të cilat do të përfitojnë më së shumti. Ekspertët paralajmërojnë që do të ishte gabim të supozohet që profesionet të cilat sot paguhen më së miri si avokatët, bankierët dhe brokerët do të fitojnë edhe në ardhmen po aq para.
Në 10 deri 20 vitet e ardhshme ka gjasa shumë të mëdha që punët të cilat i bëjmë sot të jenë mjaft të ndryshme. Profesionet si “fermeri vertikal” ose “personat që prodhojnë pjesët e trupit”mund të jenë profesione moderne siç janë për shembull këshilltarët për media sot.
“Popullata britanike është duke u plakur dhe kjo popullatë e moshuar do të ketë nevojë për kujdes shëndetësor ndryshe” pohon futurologu, James Bellini, duke shtuar që ndoshta do të paraqitet nevoja për konsulentët për të moshuar, të cilat do të specializojnë në kujdesin personal për pacientët e moshuar. Po ashtu ai sheh ndryshime të mëdha edhe në bujqësi, ku tashmë shihet mungesa e burimeve të ushqimit, ku produktet e modifikuara gjenetikisht do të bëhen të zakonshme, njëjtë si edhe kultivimi vertikal me të cilin do të kursehej në hapësirë.
Futurologu Ian Pearson pohon që me zhvillimin gjithnjë e më të shpejtë të kompjuterëve, njerëzit në luftë për punë do të duhen para së gjithash të zgjerojnë “aftësitë njerëzore”. Kur kompjuterët të bëhen më inteligjent, puna të cilën do ta marrin njerëzit do të kërkojë karakteristika siç janë udhëheqja, motivimi dhe ndjeshmëria,” konsideron Pearson.
Futurologu dhe psikologu i punës Karen Maloney pajtohet me të dhe thekson që njerëzit do të ndahen në ata që kuptojnë teknologjinë dhe ata që nuk merren vesh me të.
Shpërngulja nga kompania në kompani dhe arsimi
“Ata që dinë të programojnë do të krijojnë botën në të cilën jetojmë, kështu që mendoj që duhet të hidhemi në këtë fushë”, thotë Maloney, duke theksuar edhe emrat e punëve siç janë “programerë haptikë” respektivisht personi që përdorë shkencën e prekjes për të zhvilluar produktet dhe shërbimet.
James Callander, drejtor në kompaninë „FreshMinds” dhe ekonomisti Mark Betson nga Instituti për personel dhe zhvillim, pajtohen që periudha e punë së një punëtori në një kompani në të ardhmen do të jetë edhe më e shkurtët se sa është sot, dhe që do të jetë jashtëzakonisht rrallë që dikush të punojë tërë jetën në një kompani. Mark Betson pastaj thekson që për punë do të jetë i domosdoshëm arsimi, por edhe dëshira për mësim të mëtejshëm.
Dhe në fund ja edhe lista e punëve të cilat në të ardhmen do të jenë më së shumti të paguara, dhe të cilat janë gjetur në analizën e ekspertëve.
Arkitekti digjital, i cili do të dizajnojë ndërtesa virtuale për mesazhe propaganduese.
Kujdestarët e njerëzve të moshuar në shtëpitë e tyre.
Konsulent për mirëqenien e të moshuarve të specializuar për kujdes personal.
Person për krijimin e pjesëve të trupit për atletët dhe ushtarët.
Fermeri vertikal, i cili do të mbjellë të lashtat vertikalisht për të kursyer në hapësirë.
Kontrollues i klimës, respektivisht personi që do të menaxhojë modelet e motit.
Person për dizajnimin dhe menaxhimin e hologrameve të njerëzve virtual.
Broker për kohën, i cili do të menaxhojë me kohën tuaj të tepërt, të cilën mund t’ia ofroni dikujt në këmbim për para ose ndonjë gjë tjetër.
Menaxheri personal për brendet, të cilët do të zhvillojnë dhe menaxhojnë brendin tuaj personal.
Programeri haptik, shfrytëzon shkencën e prekjes për zhvillimin e produkteve.
