Ish-kryeministri britanik Tony Blair ka zhvilluar një takim me liderin populist italian, Matteo Salvini ku ka diskutuar për projektin e gazsjellësit Trans Adriatik (TAP).
Në një fjalim të fundit, z. Blair tha se zgjidhjet e thjeshta të siguruara nga nacionalizmi, të cilat mbrohen nga Partia Lidhja e Z. Salvini mund të çojnë në fashizmin e viteve 1930.
Pavarësisht, kësaj Blair diskutoi planet për të zgjeruar gazsjellësin nga Azerbajxhani në Puglia në Italinë jugore.
Zëvendëskryeministri italian dhe ministri i Brendshëm, Salvini, i tha Sputnik: “TAP është një infrastrukturë strategjike e rëndësishme për Italinë dhe Evropën: është qëllimi ynë për ta vënë atë në funksion, natyrisht duke marrë në konsideratë çdo pasojë të mundshme që mund të ketë në mjedis”.
Gazsjellësi TAP pritet të furnizojë me gaz të lëngshëm Evropën. Nga ana tjetër, Rusia synon të avancojë me gazsjellësin “Nord Stream2”.
Gazsjellësi është parashikuar të jetë funksional në vitin 2020. Pjesa tokësore e TAP-it ka një gjatësi prej rreth 773 km, nga të cilat 550 km janë në Greqi, 205 km në Shqipëri dhe 8 kilometra në Itali.
