Gjatë ditës së sotme janë publikuar edhe pagat e futbollistëve të Serisë A, ku natyrisht që Ronaldo ishte më i pasuri dhe Juventusi klubi që shpenzonte më shumë.
Në kampionatin italian luajnë edhe 5 futbollistë shqiptarë, të cilët janë gjithashtu edhe pjesë e kombëtares kuqezi, që drejtohet nga Christian Panucci, ndërsa Elseid Hysaj është më i mirëpaguari ndër ta, me 1.6 milionë euro në sezon.
Po kështu, një pagë të lartë përfitojnë edhe Thomas Strakosha me 1.1 milionë euro dhe Etrit Berisha me 700 mijë euro.
Berat Gjimshiti me 300 mijë euro në sezon dhe Frederik Veseli me 250 mijë euro në sezon, janë “fukarenjtë” shqiptarë në Serinë A.
