Lionel Messi ka zbuluar se i biri i tij, Thiago, e di që pas çdo humbjeje duhet ta ruajë distancën dhe mos të flasë fare.
Sulmuesi argjentinas foli për radion katalonase në një intervistë të gjatë, dhe tregoi sesi kohëve të fundit është përpjekur të bëhet më i qetë.
“Që prej lindjes së djalit tim të parë, jam përpjekur t’i trajtoj humbjet ndryshe, por prapëseprapë është e vështirë për mua kur humbasim. Po ashtu, e kam të vështirë ta mbajë kokën lart”, tha Messi.
“Dhoma e zhveshjes gjithmonë kërkon më shumë, për të folur me mua duhet të pritet për disa sekonda”, shtoi ai.
Ai tha se tani edhe i biri i tij e kupton humbjen dhe e di se nuk duhet të flitet pas saj në shtëpi.
“Thiago tashmë e di këtë dhe vepron kështu. Pas humbjes nuk flasim. Ai e di që nuk duhet të flasim”, shpjegoi Messi.
