Fenomeni Ronaldo është bërë zyrtarisht aksioneri kryesor i klubit spanjoll, Real Valladolid. Ish-bomberi i Interit dhe Realit të Madridit ka blerë 51 % të aksioneve të klubit për 30 milion euro, duke u bërë kështu numri 1 i skuadrës së La Liga.
“Valladolid ka më shumë se 20,000 të abonuar gjatë këtij sezoni dhe ne kemi një grup të madh profesionistësh në të gjitha nivelet. Ne duam të rritemi sa më shumë që të jemi në gjendje dhe të përpiqemi të jemi sa më shpejt një klub i madh. Jam i bindur se do të jetë shumë e vështirë të fitojnë kundër nesh. Barcelona e Reali do kenë frikë nga ne. Unë dua që të gjithë ne të formojmë këtë Klub dhe i ftoj tifozët të marrin pjesë në këtë projekt,” vazhdoi ai. “Na jepni idetë tuaja, mendimet, kritikat dhe shpresat tuaja.
“Unë dua që ju të jeni pjesë e së tashmes dhe e së ardhmes së Valladolidit. Ne do të vazhdojmë të punojmë me mikun tonë Carlos Suarez dhe ne kemi strukturat më të mira në dispozicion për të përmbushur objektivat tona. Ne duam të formojmë ekipin më të mirë të mundshëm për të konkurruar dhe do të ketë një përmbajtje të qartë sociale në të gjitha veprimet tona “.-deklaroi golashënuesi më i mirë i Brazilit së bashku me paraardhësin Carlos Suarez.
42-vjeçari kishte zotëruar më parë një pjesë të skuadrës së futbollit amerikan Fort Lauderdale Strikers para se t’i shiste ato në vitin 2016. Nga ana e tyre Valladolid është kthyer në La Liga këtë sezon pas katër sezonesh mungesë.
