Dënimi i Skënderbeut nga FSHF për të luajtur 5 ndeshje pa tifozë, për shkak të dhunës së disa tifozëve në ndeshjen e disa ditëve më parë Skënderbeu-Partizani, ka penalizuar ekipin, por më së shumti sportdashësit.
Kjo fotot e siguruar nga “BalkanWeb” është bërë mbrëmë, teksa Skënderbeu luante në stadiumin e Korçës me skuadrën e Laçit. Sa komike aq edhe dramatike, tifozët korçarë nuk e braktisin skuadrën e tyre edhe pse nuk lejohen të hyjnë në stadiumin që ishte tërësisht bosh.
Këta 2 sportdashës, si shumë të tjerë që do donin të mbështesnin skuadrën e tyre të zemrës, në një farë mënyrë janë viktima të dhunës në stadium dhe dënimeve kolektive. Derisa dënimi të mbarojë, ata kanë gjetur mënyrën për ta ndjekur ndeshjen edhe pse në distancë…
