Zyrtarët në Puerto Rico tani thonë se nga uragani Maria në shtator të 2017 humbën jetën 2975 persona.
Numri i vdekjeve nga uragani shkatërrues që goditit ishullin rreth një vit më parë është 50 herë më i lartë sesa u deklarua, shkruan BBC.
Guvernatori Ricardo Rossello pranoi këto shifra pas një hetimi të pavarur.
Puerto Rico ka luftuar për të riparuar infrastrukturën e saj dhe rrjetin e energjisë nga stuhia, dhe po i kërkon Kongresit amerikan 139 miliardë dollarë fond për rimëkëmbjen.
“Unë po jap një urdhër për të rinovuar numrin zyrtar të vdekjeve në 2,975”, tha Guvernatori Ricardo Rossello në një konferencë shtypi të martën.
“Edhe pse ky është një vlerësim, ai ka një bazë shkencore”, vijoi më tej ai.
Në një deklaratë, Shtëpia e Bardhë tha se qeveria federale mbështeti përpjekjet e guvernatorit për të siguruar një përgjegjësi të plotë.
