Presidenti turk Erdogan është një figurë mjaft e disikutueshme. Artistët në Wiesbaden kanë përfituar nga kjo për një aksion provokues. Ata e vendosën në qendren e Hessenit një statujë prej katër metrash të gjatë të Erdoganit dhe kështu nxitën diskutime.
Kjo statujë e artë e presidentit turk Rexhep Taip Erdogan solli irritim dhe acarim në Wiesbaden të Gjermanisë.
Busti i gjatë rreth katër metra u ngrit të hënën si pjesë e Bienales së Artit dhe Festivalit të Teatrit.
Administrata e qytetit ishte e befasuar. Ata thanë se kishin dhënë miratimin për vendosjen e një statuje njeriu por nuk kishin qenë në dijeni se bëhej fjalë për Erdogan.
Presidenti turk pritet të jetë më 28 dhe 29 shtator për një vizitë shtetërore në Berlin.
Drejtori i Teatrit Shtetëror Wiesbaden, Uwe Eric Laufenberg, e mbrojti veprimin si një formë e lirisë së shprehjes.
“Ne kemi ngritur statujën për të diskutuar Erdoganin. Është kudo, arti është atje për të treguar se çfarë është. Kjo nuk është gjithmonë e lehtë për t’u kuptuar. Por në një demokraci duhet të duroni të gjitha mendimet”.
Qyteti nuk dëshiron të ndërhyjë përkundër protestave, për sa kohë që fushata e artit nuk përbën kërcënim për rendin dhe sigurinë publike.
“Qeveria e qytetit, këshilli i qytetit, është e angazhuar për lirinë e artit të përcaktuar në Ligjin Bazë, thanë personat përgjegjës.
Ishte e qartë se bienalja ishte provokative dhe e denjë për diskutim. Zyrtarët e qytetit dhe të policisë kombëtare po ndjekin situatën në terren.
Mëngjesin e së martës rreth statujës nxituan kuriozë të shumtë por nuk munguan dhe njerëz të revoltuar që kundërshtonin me forcë vendosjen e statujës.
E në shenjë revolte mbi statujë u vendosën graffite dhe mbishkrime provokative.
Bienalja e Kunstfestival filloi të enjten e kaluar në kryeqytetin e shtetit Hessian dhe do të vazhdojë deri të dielën e 2 shtatorit. Motoja e këtij viti është “Bad News”.
