Emocionet e Kategorisë Superiore, do të rikthehen ditën e premte me javën e tretë të kampionatit shqiptar. FSHF-ja ka përcaktuar edhe kalendarin me ditët dhe oraret se kur do të luhen ndeshjet e javës së ardhshme, që është edhe java e fundit para ndeshjeve të Kombëtares në kuadër të Ligës së Kombeve.
Kështu, të premten në orën 19:45, Skënderbeu do të presë Laçin në Korçë duke ngritur siparin e javës së tretë. Kjo është përballja e dytë në një muaj mes këtyre dy skuadrave, duke qenë se vetëm pak ditë më parë, Skënderbeu fitoi Superkupën pikërisht ndaj kurbinasve të Artan Mërgjyshit.
Edhe e diela e datës 2 shtator, do të ketë dy ndeshje ku takimi mes Teutës dhe Kamzës që luhet në Durrës, do të pasohet nga supersfida mes Kukësit dhe Tiranës, që ashtu si në javën e parë, do të luhet në stadiumin “Elbasan Arena”, pasi fusha e Kukësit nuk e ka marrë licencën për këtë sezon. /Erjon Allaraj-Vipsport.al/
Kalendari i plotë, java 3:
E premte
19:45 Skënderbeu-Laçi
E shtunë
16:45 Luftëtari-Flamurtari
19:45 Partizani-Kastrioti
E dielë
16:45 Teuta-Kamza
19:45 Kukësi-Tirana
