E keni pyetur ndonjëherë veten si ia dalin të famshmit të kenë fytyrë aq të pastër e të shkëlyer sa herë ecin në tapetin e kuq? Me siguri, po! Natyrisht, ata kanë një skuadrë grimi pas vetes, por edhe një rutinë kujdesi për fytyrën, falë së cilës kanë lëkurë të mëndafshtë. Por, sa i përket dietës, ka diçka që e ndihmon fytyrën e tyre të pastër, të shkëlqyeshme, perfekte.
Në fakt, është një lëng në veçanti që VIP-at e eliminojnë nga dieta e tyre, sepse bllokon poret në fytyrë dhe krijon akne. Kjo është veçanërisht e vërtetë kur bëhet fjalë për pijen e mëngjesit. Nuk është as kafja, as çaji. Është qumështi!
“Ka shumë studime që lidhen me qumështin dhe krijimin e akneve për shkak të nivelit të lartë të glicemisë. Nga rezultatet, është vërtetuar se shumë njerëz vuajnë nga aknet e fytyrës. Një njeri mund të konsumojë ushqime që shkaktojnë akne në fytyrë pa e ditur, por qumështi është një prej tyre”, – thotë dermatologu (MD) Alan M Dattner për “Reader’s Digest”.
Kështu, eliminimi i qumështit në mëngjes jo vetëm që ju ndihmon për një lëkurë më të pastër, por gjithashtu mund t’ju ndihmojë edhe të kurseni disa para me kremrat dhe trajtimet për aknet. Personazhe si Khloe Kardashian kanë preferuar dietën pa qumësht, për shkak edhe të rezultateve për të rënë në peshë. Ajo, madje, tha se humbi 5 kg vetëm nga heqja e qumështit.
“Nuk konsumova bulmet për dy javë dhe humba 5 kg. Tani pi vetëm qumësht bajameje. Më plëqen shumë djathi dhe është e vështirë pa të, por nëse do të humbasësh kile shpejt, zgjidhja është pa bulmet”, – tha ajo në vitin 2016.
Nëse nuk e nis dot mëngjesin pa një filxhan, atëherë provo disa lëngje të tjera. Personazhe si Jennifer Aniston, Lady Gaga dhe Johnny Depp preferojnë ta nisin ditën me një çaj jeshil. Nëse nuk zgjedh këtë, Gwyneth Paltrow është fanse e ujit të ngrohtë me limon në mëngjes për të hequr të gjitha toksinat nga metabolizmi.