Trajneri i përkohshëm i Argjentinës, Lionel Scaloni, ka refuzuar të thotë nëse Lionel Messi do ta përfaqësojë sërish Argjentinën.
Pas Botërorit larg pritshmërive me Argjentinën, Lionel Messi lajmëroi se nuk do grumbullohet me kombëtaren për dy ndeshjet miqësore me Guantamalën dhe Kolumbinë. Me shumë mundësi pjesë e saj nuk do të jetë deri në fund të këtij viti. Domethënë edhe në ndeshje të tjera.
Të martën sipas “The Guardian”, Scaloni tha se nuk e dinte nëse Messi është tërhequr përfundimisht nga Argjentina. “ Kam folur me të dhe pas kësaj bisede ai nuk është thirrur për këto ndeshje. Sinqerisht, nuk folëm për atë që do të ndodhë në të ardhmen.”
“Të gjithë e dimë atë se çfarë ai prezanton për ne dhe do të shohim se çfarë do të ndodhë. Kam një marrëdhënie të mirë me të. Ishte një bisedë normale dhe ishim shumë të qartë. Ai nuk do të jetë për këto ndeshje dhe për të ardhmen do të shohim.”
Scaloni më pas u pyet nga gazetarët për lënien jashtë edhe të emrave të tjerë të rëndësishëm si Aguerro, Hiaguain apo Di Maria. Ai tha se këto zgjedhje janë bërë prej tij që të provojë lojtarë të rinj në skuadër, pasi është e nevojshme për një ekip që kërkon të jetë sa më konkurrues.
