Ndonëse u lajmërua që dje akordi për rinovimin e kontratës mes Miralem Pjaniç dhe Juventusit, pasditen e sotme është bërë gjithçka zyrtare.
Mesfushori boshnjak do të mbetet pjesë e bardhezinjve deri në vitin 2023, pasi drejtuesit e klubit vendosën t’i zgjasin edhe për dy vite të tjera kontratën atij.
Pjaniç kishte oferta nga shumë skuadra gjatë verës, por bardhezinjtë vendosët t’i refuzojnë ato dhe tani me rinovimin e kontratës, i japin një sinjal mesfushorit, se besojnë shumë te ai.
Për më tepër, me kontratën e re janë përmirësuar ndjeshëm edhe termat financiarë të saj, me boshnjakun që tashmë pritet të fitojë rreth 6.5 milionë euro në vit.
