“Zjarrfikësit biseduan me mua dhe u përpoqën të më nxirrnin nga rrënoja, por ata nuk e panë vajzën time, pasi ajo ishte mbuluar e gjitha. Unë nisa të bërtas, që të më linin mua dhe të merrnin vajzën time”, ky është rrëfimi i një të mbijetuare nga tragjedia në Xhenova, Marina Guagliatas.
Ajo ka treguar se si bashkë me vajzën e saj Camila mbeti e bllokuar në makinë, pas shembjes së urës “Morandi”.
“Isha në gjendje t’i tregoja forcave të shpëtimit pozicionin e saktë të vajzës sime, sepse e mbaja prej dore teksa ishim nën rrënoja”, ka thënë ajo për “Republica-n”, që e ka përshkruar gruan ende të shokuar.
Aktualisht nënë e bijë po qëndrojnë në spitalin Villa Scassi dhe fatmirësisht ndodhen jashtë rrezikut për jetën.
