Kampionët e Premier Ligës mund të mbesin për shumë muaj pa njërin prej lojtarëve të tyre më të mirë pasi që ai është lënduar në stërvitje të mërkurën
Mesfushori i Manchester City, Kevin De Bruyne pritet që të jetë jashtë fushave për një kohë të gjatë pasi që ka lënduar gjurin, shkruan Goal.
De Bruyne është lënduar gjatë stërvitjeve të mërkurën dhje kohëzgjatja e lëndimit të tij pritet të mësohet në ditët në vijim, por sipas burimeve të afërta me lojtarin pritet që ai të jetë jashtë fushave nga dy deri në tre muaj.
Besohet se ai ka lënduar ligamentin anësor të gjurit të tij, por një diagnozë më e saktë pritet gjatë kësaj jave.
Belgu ka vuajtur nga një lëndim në gju edhe më 2016, lëndim që e kishte lënë jashtë për nëntë javë.
City do të kryejnë testet në Angli dhe mandej do ta dërgojnë atë tek specialisti i lëndimeve Dr Ramon Cugat në Barcelonë, i cili trajton shumicën e lojtarëve të lënduar të klubeve.
27 vjeçari ishte njëri prej lojtarëve më të mirë të City gjatë sezonit 2017-18.
City dështoi ta transferonte një mesfushorë gjatë verës në këtë afat kalimtar por mund të mbështeteët në David Silva, Bernardo Silva, Ilkay Gundogan dhe Phil Foden si alternativa, nëse lëndimi i De Bruyne mund të jetë më i madh se mendohet.
