Piloti spanjoll Fernando Alonso, 2 herë kampion bote në Formula 1, do të tërhiqet në fund të këtij sezoni. Lajmin e ka konfirmuar makina McLaren me të cilën garon piloti spanjoll sezonet e fundit, që i referohet një deklarate të dhënë nga vetë piloti spanjoll. “Pas 17 vitesh në këtë sport fantastik ka arhdur momenti për mua që të ndryshoj rrugë dhe të shkoj diku tjetër. Kam ende mjaft gara për të zhvilluar nga ky moment deri në fund të sezonit dhe ato do t’i zhvilloj me të njëjntin intensitet e dëshirë, me të njëjtin impenjim, ashtu si gjithnjë”, shkruan Alonso.
