Andrea Pirlo nuk do të jetë zëvendësi i trajnerit të përfaqësueses së Italisë, Roberto Mançini, sikundër ishte parashikuar në planet e ish-kampionit të botës dhe të Federatës Italiane të Futbollit. Lajmin e ka njoftuar agjencia italiane e lajmeve “ANSA”.
Transaksioni dështon për shkak të angazhimeve të Andrea Pirlos me rrjetin “SKY”, për të cilin do të jetë opinionisti i Ligës së Kampioneve, por edhe për shkak të sponsorëve personalë. Vendin e tij në stafin e “axurrëve” do ta zërë Anxhelo Greguçi, historikisht zëvendësi i Roberto Mançinit. Më 25 korrikun e kaluar, komisari i jashtëzakonshëm i federatës, Roberto Fabriçini, kishte deklaruar se do të rezervohej në vlerësimin e gatishmërisë së roleve të ndryshëm të Pirlos.
Në të njëjtën ditë, Mançini kishte deklaruar konfirmimin e tij për atë operacion që tani është anuluar për shkak të çështjeve që lidhen me kontratat e Pirlos.
Kështu, rifutet në skenë Greguçi, që nuk hynte në planet dhe në kuadrin e mëparshëm të organikës së përfaqësueses së Italisë, pasi aty ishte shënuar me germa të arta emri i Pirlos.
