Një aksident i rëndë ka ndodhur në qytetin e Lushnjës, në fshatin Gorre. Një fëmijë 5-vjeçar është përplasur nga një makinë duke e plagosur rëndë. Është arrestuar 58 vjeçari nga Lushnja. Sipas informacioneve paraprake, fëmija është dërguar menjëherë në spitalin e Traumës në Tiranë, por nuk dihet ende gjendja e tij.
55 vjeçari po drejtonte mjetin tip ‘Ford’. Policia e ka shoqëruar në ambjentet e komisiariatit. Mbi të rëndon akuza, e shkeljes së rregullave të qarkullimit rrugor.
Njoftimi i Policisë së Lushnjes:
Specialistët e Sektorit të Qarkullimit Rrugor, arrestuan në flagrancë shtetasin:
L. B, 58 vjeç, banues në Lushnje.
Arrestimi i këtij shtetasi u bë pasi në fshatin Gorre, Lushnje duke drejtuar automjetin tip “Ford” ka aksidentuar një shtetas të mitur 5 vjeç, i cili ndodhet në Spitalin e Traumës Tiranë nën kujdesin e mjekëve.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Shkelje e rregullave të qarkullimit rrugor” parashikuar nga Neni 290 i Kodit Penal.
